Viongozi wa Jubilee eneo la Magharibi wakana kukubali azimio la Khalwale kutafuta gavana ▷ Kenya News

– Viongozi wa Chama cha Jubilee Magharibi mwa nchi wamekanusha madai kwamba wamekubali kumuunga mkono Khalwale katika azimio lake la kusaka ugavana 2022

– Wanadai kuwa, hatua ya kumruhusu kuingia katika chama hicho haimaanishi ameteuliwa moja kwa moja kupeperusha bendera ya Jubilee Kaunti ya Kakamega

– Wanamtaka kuwa mtulivu na kukoma kujidai kuwa atapewa nafasi ya moja kwa moja na chama hicho kuwania ugavana

Huenda ndoto ya aliyekuwa seneta wa Kakamega kuwa gavana 2022 ikafifia baada ya viongozi kadha wa chama cha Jubilee eneo la Magharibi mwa nchi kumruka.

Bonny Khalwale ambaye alikuwa naibu mwenyekiti katika chama cha Ford Kenya na hatimaye kuhamia kambi ya Naibu Rais William Ruto, alitangaza kuwa na azimio la kutafuta ugavana Kakamega huku lengo lake likiwa kutumia au chama hicho.

Habari Nyingine: Polisi wawakamata washukiwa 4 sugu ambao wamekuwa wakiwaibia wateja pesa katika ATM

Viongozi wa Jubilee eneo la Magharibi wakana kukubali azimio la Khalwale kutafuta gavana

Bonny Khalwale ambaye anaazimia kuwania ugavana wa Kakemega 2022 lakini huenda azimio lake likadidimia ikiwa hatoungwa mkono kikamilifu na viongozi wa Jubilee. Picha: Bonny Khalwale/Twitter
Source: Twitter

Lakini azimio hilo lilipata pigo Alhamisi, Juni 20 kufuatia hatua ya viongozi wa Jubilee kumtaka apunguze kasi.

Wakiongozwa na mwenyekiti wao Moses Lumiti, viongozi hao walisema kuwa tuhuma kuwa wameunga mkono kikamilifu azimio la Khalwale kuwania ugavana kwenye uchaguzi mkuu ujao ni uongo.

Habari Nyingine: Sura ya mtoto wa Alikiba ni kama ya baba yake, wanafanana mfano wa shilingi kwa ya pili

Viongozi wa Jubilee eneo la Magharibi wakana kukubali azimio la Khalwale kutafuta gavana

Bonny Khalwale (wa pili kulia)alikuwa naibu mwenyekiti katika chama cha Ford Kenya lakini akatangaza kuhamia kambi ya Naibu Rais William Ruto. Picha: Bonny Khalwale/Facebook
Source: Facebook

“Kwa sisi kumruhusu Khalwale kujiunga nasi haimanishi amepewa nafasi ya moja kwa moja kuwania ugavana kwa tikiti ya chama chetu,” Lumiti alisema.

Aidha walisema kuwa, wakati ukifika watampendekeza yule atakayepeperusha bendera ya chama hicho katika nyadhifa mbalimbali na sio kwa mtu kujipendekeza.

“Chama kina sheria zake ambazo lazima zifuatwe. Ikifika wakati huo tutakaa chini tujaliane na tuone tutawaunga akina nani mkono,” aliongezea.

Habari Nyingine: Willy Paul alimpa Jalang’o 400k kwa kukubali kukutana naye

Wakati huohuo, viongozi hao walikiri kuunga mkono mwafaka wa mapatano kati ya Rais Uhuru Kenyatta na kiongozi wa chama cha Orange Democratic Movement (ODM) Raila Odinga na kumtaka rais kuwa mwangalifu hasa kwa wanaoruhusiwa kujiunga na chama chao.

Haya yanajiri huku viongozi wa kidini kutoka ukanda huo wakitoa wito kwa rais na viongozi wakuu katika chama hicho kutafuta suluhu kuhusu misururu ya migogoro inayoshuhudiwa kwa sasa chamani.

Ripoti ya Dennis Avokoywa, mwandishi wa TUKO Kaunti ya Kakamega.

Je, unayo taarifa ya kusisimua ambayo ungependa tuichapishe? Tafadhali, wasiliana nasi kupitia [email protected]; [email protected] au WhatsApp: 0732482690. Tufuate kwa Telegram: Tuko news.

Source: Tuko


Posted

in

by

Tags: