Banki Kuu yafafanua kuhusu matumizi ya neno ‘Banki’ badala ya ‘Benki’ kwenye noti mpya ▷ Kenya News

Gavana wa Banki Kuu ya Kenya Patrick Njoroge ameitetea taasisi hiyo kufuatia malalamishi ya matumizi ya neno ‘banki’ badala ya ‘benki’ katika sarafu za humu nchini.

Nkoroge alieleza kwamba matumuzi ya neno hilo inatokana na tafsiri ya mwaka wa 1964 pale ambapo taasisi hiyo ilifanya uamuzi wa kutumia jina Banki ya Kati Kati.

Habari Nyingine: Mbunge Wamuchomba awataka wale wanaotofautiana na Rais waondoke Jubilee

Hata hivyo, aliyekuwa Waziri Fedha marehemu John Michuki, alipinga tafsiri hiyo na kumtaka mwenzake wa maswala ya kiuchumi wakati huo Tom Mboya kutoa mwelekeo kuhusu mjadala huo.

Tom Mboya ambaye alitambulika sana kwa kufahamu lugha ya Kiswahili alipendekeza jina hilo libadilishwe na benki hiyo itambulike kama Banki Kuu ya Kenya.

Jina hilo lilikubalika na limetumika kwa miaka na mikaka hadi leo hii na hata kuchapishwa katika fedha za humu nchini.

Habari Nyingine: Mama Sarah Obama alazwa hospitalini Siaya

“Mboya, ambaye alikuwa waziri wa maswala ya uchumi alishikilia kwamba tafsiri ya maneno hayo mawili yaani ‘banki’ na ‘benki’ yalikuwa sawa,”

“Iliamuliwa kwamba neno, ‘Banki Kuu ya Kenya’ litumiwe kabla ya lile la ‘Central Bank of Kenya’,” Njoroge alifafanua wakati wa mkutano na waandishi wa habari mnamo Alhamisi, Juni 20.

Wakati uo huo Njoroge alishikilia kwamba tarehe ya kurejesha noti za KSh 1,000 kwenye benki itasalia Octoba 1, 2019 na wala muda uliowekwa kamwe hautaongezwa.

Siku ya Alhamisi, baadhi ya watu mitandaoni waliishambulia taasisi hiyo kwa matumizi ya neno ‘banki’ badala ya ‘benki’ kama ilivyo katika fedha za nchi ya Tanzania.

Kwa kuwa lugha ya kitaifa nchini Tanzania ni swahili, wengi walipendekeza kwamba neno ‘benki’ linafaa zaidi.

Hata hivyo, mdahalo huo umezidi kuwepo kwani idadi kubwa ya watu mitandaoni wameshikilia kwamba maneno hayo mawili hayana tofauti yoyote kwani yanatokana na neno la kiingereza la bank.

READ ENGLISH VERSION

Je, unayo taarifa ya kusisimua ambayo ungependa tuichapishe? Tafadhali, wasiliana nasi kupitia [email protected]; [email protected] au WhatsApp: 0732482690. Tufuate kwa Telegram: Tuko news.

Source: Tuko.co.ke


Posted

in

by

Tags: