Mwimbaji Yvonne Chaka Chaka apakia picha ya kuvutia na mumewe mitandaoni ▷ Kenya News

 Mwimbaji Yvonne Chaka Chaka apakia picha ya kuvutia na mumewe mitandaoni ▷ Kenya News

Malkia wa muziki Yvonne Chaka Chaka na mumewe Mandlalele Mhinga walisherehekea miaka 30 katika ndoa yao mnamo Oktoba 7, 2019.

Chaka Chaka ambaye alikuwa mwingi wa furaha aliwajuza mashabiki zake kuhusu jambo hilo na kupakia picha ya enzi zile akiwa na mumewe.

Habari Nyingine: Mwanariadha Eliud Kipchoge asema yuko na matumaini atashinda mbio za INEOS: 1:59

Kupitia jumbe zake za Instagram, baada ya kupakia picha hiyo ni bayana Chaka Chaka na Mhinga wangali wanapendana na wanajiburudisha katika maisha yao ya ndoa.

“Enzi zile. Nilipokuwa mchanga na mrembo yoooo,” Chaka Chaka alisema.

Ujumbe wake uliwavutia wengi huku baadhi yao wakifurika katika ukurasa wake kuwapongeza na kuwatakia kila la heri.

Habari Nyingine: Mtindo wa kipekee wa kimavazi wa mtoto wa sosholaiti Bridget Achieng’

“Na hata leo bado unaonekana mrembo,” Glamdolls alisema.

“Wakati ulikuwa unatoshana na mamangu. Nakupenda sababu una roho ya unyenyekevu. Mungu alikumiminia baraka zake tele na umesalia kuwa mnyenyekevu na mwenye roho ya Ubuntu. Barikiwa zaidi,” Sine alisema.

Awali, msanii huyo alianika picha za wajukuu wake kwenye ukurasa wake na kusema kwamba anahisi raha moyoni kuwa nao.

READ ENGLISH VERSION

Je, unayo taarifa ya kusisimua ambayo ungependa tuichapishe? Tafadhali, wasiliana nasi kupitia news@tuko.co.ke au WhatsApp: 0732482690.

Subscribe to watch new videos

ekenyan